Дар ин бахш ахбори кутоҳ дар мавриди рӯйдодҳо, ҳаводис, изҳорот, дастовардҳо, арзёбиҳо, раддабандиҳо ва пешбиниҳо дар соҳаи роҳу нақлиёти кишвар, минтақа ва ҷаҳон пешкаш мешаванд.
ДАР ТОҶИКИСТОН
Дар охири ҳафтаи гузашта дар километри 158-уми шоҳроҳи «Душанбе –Чаноқ» тармаи азиме бо паҳноии 50 метр ва баландии 6 метр фуромад. Дар ин бора филиали ширкати «Инновейтив Роуд Солюшнз ЛДТ» дар ҶТ, ки ба ин роҳ хидмат мерасонад, хабар дод.
5 мошин дар зери барф монданд. Хушбахтона, талафоти ҷонӣ ба қайд гирифта нашудааст.
Кормандони филиали ширкат мошинҳои дармондаро сари вақт бароварда, оқибатҳои тармаро фавран бартараф карданд.
Ҳоло роҳ кушода аст ва ҳаракати ҳама намуди воситаҳои нақлиёт барқарор карда шудааст.
***
Дар Душанбе насби радарҳо оғоз ёфт, ки 19 намуди қоидавайронкуниҳои ронандагонро сабт мекунанд ва онҳоро ба пойгоҳи додаҳои ягона мефиристанд. Зиёда аз 6 ҳазор адад чунин таҷҳизоти техникӣ дар роҳҳои Душанбе ва атрофи нн насб карда мешавад. Дар ин бора Раёсати БДА-и шаҳри Душанбе хабар додааст.
Радарҳо дар чорроҳаҳо, терминалҳои мусофирбарӣ, истгоҳҳо, даромадгоҳҳои шаҳр ва ҷойҳои серҳаракати нақлиёт насб карда мешаванд. Онҳо чунин анвои нақзи Қоидаҳои ҳаракат ба монанди набастани тасмаи бехатарӣ, таваққуф дар хатҳои дуюм ва сеюм, таваққуф дар истгоҳи нақлиёти ҷамъиятӣ, баромадан ба хатти муқобили ҳаракат, монеа шудан бо дигар воситаҳои нақлиёт ва ғайраро сабт мекунанд.
Гуфта мешавад, ки ҳадафи насби таҷҳизот таъмини бехатарии ҳаракат дар роҳҳо ва кам кардани шумораи кормандони БДА мебошад.
Ёдовар мешавем, ки 19 январи соли 2024 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «бо мақсади таъмини фаъолияти самарабахши Бозрасии давлатии автомобилии Вазорати корҳои дохилии Ҷумҳурии Тоҷикистон Фармонро дар бораи 30 фоиз кам кардани шумораи кормандони РБДА ВКД ҶТ имзо карданд.
***
Бо қарори Ҳукумати Тоҷикистон аз 30 декабри соли 2023 барои нобуд сохтани (утилизатсияи) воситаҳои нақлиёт пардохти ҳатмӣ ҷорӣ карда шуд.
Андозаи пардохт аз категорияи воситаҳои нақлиет вобаста аст ва чунин пешбинӣ шудааст:
- барои соҳибони мотосикл - 360 сомонӣ е 5 нишондиҳанда барои ҳисобҳо;
- барои мошинҳо ва дигар воситаҳои нақлиет, ки зиеда аз 10 нафарро интиқол медиҳанд - 1584 сомонӣ е 22 нишондиҳанда барои ҳисобҳо;
- барои мошинҳои боркаш, кранҳо е мошинҳои боркаш - 2880 сомонӣ е 40 нишондиҳанда.
Едовар мешавем, ки ин маблағ дар тамоми давраи истифодаи мошин як маротиба пардохт карда мешавад ва ҳуҷҷати тасдиқкунанда дода мешавад.
Инчунин бояд қайд кард, ки 26 декабри соли 2023 парлумони Тоҷикистон тағйиру иловаҳоро ба қонун дар бораи дигар пардохтҳои ҳатмӣ ба буҷет қабул кард, ки дар асоси он пардохти маблағ барои нобуд кардани воситаҳои нақлиёт ҳатмӣ гардид.
Вазири молияи Тоҷикистон Файзиддин Каҳҳорзода, ки лоиҳаи қонунро ба вакилони парлумон пешниҳод кард, гуфт, ки ин тағйирот «бо мақсади таъмини амнияти экологӣ, ҳифзи саломатии шаҳрвандон ва муҳити зист аз таъсири партовҳо, инчунин ҷустуҷӯи манбаъҳои иловагии қисми даромади буҷети давлатӣ»таҳия шудааст.
Чунин қарор дар асоси омӯзиши қонунгузории Узбекистон, Қирғизистон, Қазоқистон, Беларус, Русия, Чин, инчунин кишварҳои Иттиҳоди Аврупо қабул шудааст, ки пардохти яквақтаи истифодаи воситаҳои нақлиётро пешбинӣ мекунад.
***
18 январи соли равон Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар маросими муаррифии 30 автобуси нави барқӣ дар пойтахт иштирок намуданд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе хабар додааст.
Гуфта мешавад, ки автобусҳои барқии тамғаи «Акия НЕРУ» аз ҷониби корхонаи муштараки «Акиа Авесто Автоматив Индустри» - и Ҷумҳурии Тоҷикистон тибқи стандартҳои аврупоӣ истеҳсол карда мешаванд. Дар рафти шиносоӣ Рустами Эмомалӣ ба шахсони масъул оид ба афзоиши истеҳсоли автобусҳои барқӣ дастуру супоришҳои мушаххас доданд.
Дар ояндаи наздик тамоми нақлиёти ҷамъиятӣ дар пойтахти Тоҷикистон бояд бо автобусҳои барқӣ ва электромобилҳо иваз карда шавад.
***
Масъалаи ҷалби сармояи Ҷумҳурии Мардумии Чин ба рушди инфрасохтори роҳу нақлиёти пойтахти Тоҷикистон 18 январи соли равон дар ҷараёни мулоқоти муовини якуми Раиси шаҳри Душанбе Ҷамшед Табарзода ва Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тзи Шумин баррасӣ шуд, хабар медиҳад шӯъбаи иттилоотии дастгоҳи Раиси шаҳри Душанбе.
***
Мақомоти иҷроияи ҳокимияти давлатии шаҳри Душанбе лоиҳаи сохтмони ояндаи эстакадаро нашр кард, ки он интиқоли ёдгориҳои ҶБВ-ро аз Майдони «Ғалаба» ба Боғи «Ғалаба» пешбинӣ мекунад. Гуфта мешавад, ки ин иқдом дар доираи нақшаи генералии рушди шаҳр амалӣ карда мешавад.
Мақсади асосии таҷдиди хиёбони Саъдии Шерозӣ, аз кӯчаи Неъмат Қаробоев то пули болои дарёи Душанбе коҳиш додани садамаҳо, беҳтар кардани бехатарии ҳаракати нақлиёт ва пиёдагардон, инчунин бартараф сохтани тамбашавии нақлиёт мебошад.
Дар айни замон дар ҷои нав дар Боғи «Ғалаба», ки танк ва девораҳои бетонӣ ба он ҷо интиқол дода мешаванд, корҳои сохтмонӣ идома доранд.
***
Қариб 60 фоизи корҳои сохтмони роҳи «Конибодом-Кучкак» бо дарозии 10,3 километр аллакай ба анҷом расидаанд. Дар нн бора SugdNEWS бо истинод ба намояндаи Вазорати нақлиёти ҶТ, менеҷери лоиҳаи «Беҳтар кардани роҳҳои минтақавии алоқа дар Осиёи Марказӣ, БРАМОМ-4» Муҳаммадшариф Азизов хабар дод.
Азизов зикр кард, ки ҳоло роҳсозон асосҳои роҳро омода мекунанд, инчунин бо ҳамворкунӣ ва гузаронидани қубурҳои обкашӣ, таҷдиди пул ва гузоштани қабати аввали асфалт машғуланд. Қариб 60 фоизи корҳо аллакай иҷро шудаанд.
«Дарозии ин қитъа 10,3 км, паҳнои он 28-45 метрро ташкил медиҳад. Дар ҳудуди маҳалҳои аҳолинишин сохтмони роҳи автомобилгарди шашҷониба пешбинӣ шудааст. Корҳо тибқи стандарти байналмилалӣ гузаронида мешаванд, асфалт дар се қабат,21 см, гузошта мешавад, мутахассисон ҳар рӯз таҳлил мекунанд», - гуфт ӯ.
Бояд зикр кард, ки лоиҳа таҷдиди қитъаҳои роҳҳои автомобилгарди «Конибодом – Кучкак», дарозиаш 10,3 километр, «Куруш- Бекобод», дарозиаш 12,3 километр, «Деҳмо - й Бобоҷон Ғафуров», дарозиаш 22 километр ва «Бобоҷон Ғафуров – Хистеварз»-ро бо дарозии 6,6 километр пешбинӣ мекунад. Дар доираи лоиҳа сохтмони 11 пули нав бо дарозии умумии 444,2 метр пешбинӣ шудааст. Корҳо оид ба таҷдид дар қитъаи роҳи автомобилгарди Конибодом –Кучкак» моҳи марти соли 2023 оғоз ёфтанд.
***
Тибқи пешгӯии ҳавошиносон, то охири моҳи феврали соли 2024 дар Тоҷикистон боришоти борон ва барф дар назар аст.
Дар робита ба ин, Вазорати нақлиёти Ҷумҳурии Тоҷикистон ба шаҳрвандон хотиррасон менамояд, ки ҳаракатро дар роҳҳои кӯҳӣ маҳдуд намоянд. Ба ронандагоне, ки дар роҳҳои кӯҳӣ мошин меронанд, тавсия дода мешавад, ки пеш аз сафар дар бораи ҳолати роҳҳо аз хадамоти дахлдор маълумоти муосир гиранд.
Барои бехатарӣ дар роҳ шумо бояд бо суръати мӯътадил ҳаракат кунед, махсусан дар назди мактабҳо, дар ағбаҳо, гардишҳо ва пастхамиҳо. Дар роҳҳои кӯҳӣ ҳатман масофаи байни мошинҳо нигоҳ доред.
Бояд дар хотир дошт: минтақаҳои кӯҳӣ бо роҳҳои бо шумораи зиёди баландшавӣ ва таназзули тӯлонӣ, гардишҳои шадиди радиуси хурд ва бо дидани хеле маҳдуд тавсиф карда мешаванд. Онҳо одатан аз як тараф хеле наздик ба деворҳои канори роҳҳо ва аз тарафи дигар аз паҳлӯи сангини кӯҳҳо мегузаранд.
Эҳтиёт кунед!
ДАР МИНТАҚА
Вазорати корҳои дохилии Қазоқистон дар робита ба вазъи обу ҳаво изҳороти муҳим пахш кард, хабар медиҳад Zakon.kz.
Вазорат тавсия дод, ки муваққатан аз сафар бо роҳҳои автомобилгард канорагирӣ карда шавад.
«Ронандагони азиз! Мо таваҷҷуҳи шуморо ба шароити номусоиди обу ҳаво диққат ҷалб мекунем. Барои бехатарии шумо тавсия медиҳем, ки муваққатан аз сафар ба роҳҳои берунишаҳрӣ худдорӣ кунед», – гуфта мешавад дар иттилоия.
Инчунин хабар дода мешавад, ки дар роҳҳои автомобилгарди аҳамияти ҷумҳуриявӣ 658 адад техника ва тақрибан 1,5 ҳазор нафар коргарон сафарбар шудаанд.
То 17 феврали соли 2024 маҳдудияти ҳаракат дар 100 қитъаи роҳҳои автомобилгард дар 16 минтақаи кишвар ҷорӣ карда шуд.
Тибқи пешгӯии ҳавошиносон, дар рӯзҳои наздик пастшавии ҳарорат то -35, -40°C интизор меравад. Дар роҳҳои аҳамияти ҷумҳуриявӣ чораҳои маҳдудкунанда нигоҳ дошта мешаванд.
ДАР ҶАҲОН
16 феврали соли 2024 дар Донишгоҳи нақлиёти Русия дар Маскав ҷаласаи 43-уми Маҷлиси ҳамоҳангсозии нақлиётии давлатҳои иштирокчии ИДМ баргузор шуд.
Самтҳои мубрами кор оид ба рушди Иттиҳод ҳамчун иттиҳодияи интегратсионӣ дар доираи раёсати Федератсияи Русия дар мақомоти ИДМ дар соли 2024 баррасӣ шуданд.
Соли ҷорӣ доираи васеи чорабиниҳои муштарак ба нақша гирифта шудаанд, ки ба рушди самараноки долонҳои байналмилалии нақлиётӣ, навсозии инфрасохтор ва такмили ташкили ҳамлу нақл бо тамоми намудҳои нақлиёт, ҷорӣ намудани қарорҳои ҳамгирошудаи логистикӣ, аз ҷумла рақамӣ, барои таҳкими иқтидори транзитии кишварҳои Иттиҳод нигаронида шудаанд.
Ҳамкорӣ бо муассисаҳои таълимии давлатҳои иштирокчии ИДМ бо мақсади густариши робитаҳои шарикӣ ва табодули таҷриба дар соҳаи маориф ва илм идома хоҳад ёфт.
***
Тибқи гузориши охирини Ташкилоти умумиҷаҳонии тандурустӣ (ТУТ), шумораи солонаи ҳалокшавии одамон бар асари садамаҳои нақлиётӣ каме коҳиш ёфта, 1,19 миллион ҳолатро ташкил медиҳад. Бо вуҷуди ин, садамаҳои нақлиётӣ, ки дар як дақиқа зиёда аз 2 нафар ва дар як рӯз зиёда аз 3200 нафарро ба ҳалокат мерасонанд, сабаби асосии марги кӯдакон ва ҷавонони аз 5 то 29-сола боқӣ мемонанд.
Бино ба маълумоти ТУТ дар бораи вазъи бехатарии ҳаракат дар ҷаҳон дар соли 2023, дар давраи аз соли 2010 инҷониб шумораи фавтидагон аз садамаҳои нақлиётӣ 5% коҳиш ефта, ба 1,19 миллион фавт дар як сол расидааст. Вале садамаҳои нақлиётӣ ҳанӯз ҳам бӯҳрони доимии ҷаҳонии тандурустӣ мебошанд ва эҳтимолияти марги пиёдагардон, велосипедронҳо ва дигар иштирокчиёни осебпазири роҳ баланд боқӣ мемонад ва пайваста меафзояд.
Согласно последнему докладу ВОЗ, ежегодное количество случаев смерти в результате дорожно-транспортных происшествий несколько снизилось и составляет 1,19 миллиона случаев. Тем не менее дорожно-транспортные происшествия, в которых погибают более 2 человек в минуту и более 3200 человек в день, остаются главной причиной смертности среди детей и молодых людей в возрасте от 5 до 29 лет.
Согласно последнему Докладу ВОЗ о состоянии безопасности дорожного движения в мире за 2023 г., за период с 2010 г. количество смертей в результате дорожно-транспортных происшествий снизилось на 5% до уровня 1,19 миллиона случаев смерти в год. Тем не менее аварийность на дорогах по-прежнему представляет собой постоянный глобальный кризис в области здравоохранения, а вероятность гибели пешеходов, велосипедистов и других уязвимых участников дорожного движения остается высокой и постоянно возрастает.
Роҳбари ТУТ доктор Тедрос Адханом Гебрейесус гуфт: «Сатҳи фавти фоҷиабори садамаҳои нақлиётӣ ба самти дуруст-ба поён ҳаракат мекунад, аммо ба қадри зарурӣ не. Марги оммавии одамонро дар роҳҳои мо пешгирӣ кардан мумкин аст. Мо аз ҳама кишварҳо даъват мекунем, ки ба ҷои мошинҳо одамонро маркази системаҳои нақлиётии худ қарор диҳанд ва бехатарии пиёдагардон, велосипедронҳо ва дигар иштирокчиёни осебпазири роҳро таъмин кунанд».
***
Дар Гурҷистон, чун дар Тоҷикистон, аз 1 январи соли 2024 вуруд ва бақайдгирии автомобилҳое, ки то соли 2013 истеҳсол шудаанд, манъ карда шуд. Қарори дахлдор аз ҷониби Ҳукумати ҷумҳурӣ қабул шудааст, иттилоъ медиҳад ТАСС.
Ин қарор дар робита ба ҷорӣ намудани стандарти Евро 5 барои мошинҳо ва дар доираи мубориза бо ифлосшавии ҳаво қабул карда шуд. Ин навсозӣ ба мошинҳои то соли 2013 дар Гурҷистон бақайдгирифташуда, инчунин мошинҳое, ки барои содирот ё транзит пешбинӣ шудаанд, дахл нахоҳад дошт. Дар баробари ин, мақомот барои мошинҳои то соли 2013 истеҳсолшуда, ки дар хориҷа харида, бо контейнер то 1 декабри соли 2023 ба Гурҷистон фиристода шудаанд, вале пас аз 1 январи соли 2024 ба ҷумҳурӣ мерасанд, истисно карданд, яъне вуруди онҳо иҷозат дода мешавад.
***
Думаи давлатии Русия қонунеро қабул кард, ки масъулияти фаъолияти ғайриқонуниро дар соҳаи интиқоли мусофирон бо автобусҳо, троллейбусҳо ва трамвайҳо сахттар мекунад. Дар ин бора ТАСС хабар медиҳад.
Ҳуҷҷат бо тағйирот ба Кодекси ҳуқуқвайронкунии маъмурии ФР аз ҷониби Ҳукумати ин кишвар омода ва моҳи октябри соли 2019 ба парлумон карда шуд ва дар хониши аввал моҳи феврали соли 2022 қабул карда шуд.
Муаллифони лоиҳаи қонун зикр карданд, ки афзоиши масъулият барои фаъолияти ғайриқонунӣ дар соҳаи интиқоли мусофирон ба шумораи зиёди интиқолдиҳандагон ва норасоии чораҳои масъулияти маъмурӣ вобаста аст.
